Ix-xogħol ta’ l-armar bħalissa għaddej b’ritmu tajjeb. Għadu kemm tlesta ir-restawr fuq il-pilandri ta’ triq Munxar. Dan is-sett ta' 14-il pilandra ġew miżbugħa mill-ġdid u sarulhom sett armi tal-fibre glass. Dawn l-armi ser ikollhom frażijiet li qal San Pawl dwar l-imħabba.
Għaddej ukoll ix-xogħol fuq it-trofej tal-pjazza. Dawn waslu fl-aħħar fażi. Jonqoshom biss l-armi u żewġ bnadar minn sitta. L-armi qegħdin f’fazi avvazata ħafna. Dawn għandhom ikun lesti sal- festa ta’ l-2008.
Qed isir ukoll xogħol fuq il-pedestal ta’ San Pawl tal-pjazza. Dan qed isirulu l-iskultura tal-fibre glass.
Flimkien ma dan ix-xogħol hemm ukoll ix-xogħol tal-ħjata. Il-bandalori tal-pjazza qegħin jiġu msewwija minħabba l-ħsara li ġarrbu fil-maltemp u qegħin jiġu rinforzati iżjed. Wara li dawn jitlestew, tinbeda il-ħjata fuq l-erbgha u għoxrin bandiera tat-trofej tal-pjazza li fadal.
Għal-festa ta’ l-2008 ser jiżżanżnu ukoll sett ta’ tlettax-il labarda għall-antarjoli tal-pjazza u żewġ statwi ta’ San Luqa u San Pubbliju għall-maz-zuntier tal-knisja, minflok l-erbgħa pilandri li kien hemm.
Ħafna mix-xoghol ta’ l-armar isir fil-garaxx taċ-Ċentru il-Ħadd.
Roberto Curmi
1 comment:
Id-dilettanti tal-armar qed jaghmlu opri mill-isbah biex izejnu l-festa taghna. Haqqhom verament prosit flimkien mal-voluntiera l-ohra li qed izejnu l-inkwadri fil-Knisja.
Post a Comment