Għadni kemm irċevejt ittra minn għand il-Kardinal, primat tal-Brażil, l-Emm. T. Geraldo Majella Agnello, li fil-festa ta' din is-sena kien magħna. Peress li fl-ittra kemm-il darba jsemmi l-komunita' parrokkjali tagħna, xtaqt naqsama magħkom.Fl-ittra tiegħu l-Kardinal irringrazzjani ta' l-ittra li kont bagħtlu wara l-esperjenza sabiħa li kellna miegħu matul il-festa li għaddiet. Qal ukoll li jieħu pjaċir jisma' aħbarijiet dwar il-komunita' parrokkjali tagħna u li l-esperjenza li għex hawnhekk matul il-festa għada ħajja fih. Il-ferħ li ħass dak inhar għadu jħossu sa l-ġurnata ta' llum. Sejjah il-komunita' parrokkjali tagħna bħala waħda ħajja u ġeneruża fir-risposta lejn l-imħabba ta' Alla. Talbni wkoll sabiex inwassal lilkom ilkoll, komunita' parrokkjali tal-Munxar it-tislijiet tiegħu u l-apprezzament tiegħu lejn l-istess komunita' li hija tant għal qalbu. Filwaqt li żgurana li ser jitlob għalina lkoll, xeħet fuqna lkoll il-Barka tiegħu.
Hawn taħt wieħed jista' jara l-ittra oriġinali.
1 comment:
Emminenza, sara sempre il nostro piu' gradito ospite. Ormai e' diventato uno di noi e ci fa molto piacere e orgogliosi vederla tra la nostra gente. Prega per le nostre famiglie, per i nostri anziani, per i nostri giovani e nostri ragazzi.
Carissimi saluti.
Post a Comment